|
انتهت الأجازة الصيفية بمرحها وأوقات الاسترخاء والترفيه فيها، واقتربنا من العام الدراسي الجديد بالروتين والضغوط الخاصة به. وهذا أمر لا يبدو سهلاً في معظم الأحيان. لذلك قمنا بتجميع بعض الأفكار لمساعدة أبنائك ليشعروا بالفرح والإثارة لاستقبال الموسم الدراسي الجديد. هذه النصائح والاختبارات شارك بها آباء وأمهات مثلكم تمامًا. إليكم بعض هذه الاختبارات من أجل أن يستعد أبناؤكم لاستقبال العام الدراسي دون ارتباك .
|
|
|
الحماس
" فرق كثير مع ابني إني أخليه حاسس بالإثارة مع بداية العام الدراسي. قبل الدراسة بأسبوعين كنت بقوله حاجات زي : " واو، أنا فرحانة إن الدراسة هتبدأ قريبًا" ، " نفسي أرجع أعمل الواجبات معاك"، " أنت هتبقى في سنة (السنة الدراسية) السنة ديه، أنت بقيت ولد كبير"، " أكيد هتتعلم مواد جديدة وشيقة السنة ديه". التعليقات دي خلته يحس بالفرح والإثارة ، وكان متلهف لأول يوم في المدرسة "
نانسي عزيز
|
الإجازات الأسبوعية
" علشان أعرّف أولادي أنه مازال نقدر نتفسح مع بعض حتى أثناء الدراسة، عملت جدول بأيام الشهر، وسألتهم نفسكوا تروحوا فين وتعملوا إيه في الإجازة الأسبوعية. بالطريقة ديه حسوا بالراحة ولم يرتبكوا بسبب الالتزامات الجديدة مع بداية الدراسة "
شريف سمير |
|
الوجبات والسندوتشات
" تعودت أن أسال أولادي من بدري عن الأكل أو السندوتشات اللي يحبوا أجهزهلهم معاهم في المدرسة، علشان ماكنش مستعجلة في الصبح، وعلشان أتأكد أنهم بيحبوا نوعية الأكل ديه وبالتالي ياكلوا أكلهم كله. وتعودت أني أكتب اللي يختاروه في ورقة والصقها على الثلاجة، وأجهز لهم أكلهم بالليل "
ميرفت الصيرافي
|
ذكريات جميلة
" علشان ابني يتحمس للمدرسة كنت باحاول إني أفكره بأجمل الحاجات من العام الدراسي السابق.. زي فصول الموسيقى مثلاً "
سامي عزت |
|
مواعيد النوم "بحاول أساعد ابني أنه يتعود على مواعيد النوم الجديدة بإنه ينام بدري من قبل بداية الدراسة بإسبوع "
|
أدوات مدرسية جديدة " أكتر حاجة بتفرح أولادي في بداية الدراسة هي شراء أدوات مدرسية جديدة زي الأقلام والألوان والكرسات والزي المدرسي الجديد ..." نيفين إدوارد
|
